Модерни технологии – 3Д принт / адитивно производство; реверзибилно инженерство; изработка на 3Д модели; поправка и “преведување“ на 3Д податоци; 3Д скенирање и мерење; изработка на макети
Решение за проблемите поврзани со производство на пластика / набавка на пластични делови и производи.
+389 71 305 397Друштвото за трговија и услуги НЕБЛА КТ ДОО Скопје e основано во 2022 година, како плод на долгогодишното искуство и ангажман на оснивачите. НЕБЛА КТ, претставува неконвенционално решение за сите оние кои сакаат да ги следат модерните трендови и текови во рамки на секторот пластика, од изработка на алати, производство на пластика до целосно поставување на производство.
Следејќи ги модерните трендови, претставуваме лидери на пазарот за 3D CAD / CAM / CAE / Print, во соработка со нашите партнери.
Исто нудиме производи од пластика, различни типови на канти, најлонски ќеси во различни димензии, стреч фолија како и производи по ваш избор.Како би ја надополниле целосната поддршка, во соработка со нашите партнери нудиме дизни, млазници, шнеки и цилиндри за различни типови на машини за изработка на пластика, дополнителна опрема за машини за пластика, како и сервисни решенија.
Она што го нудиме е целосна поддршка за секој индивидуален проект. Располагаме со врвни професионалци од областа на пластиката и алатничарството.
Соработуваме со врвни алатници, специјализирани за изработка на алати за пластика, со можност и капацитет за изработка на алати за бризгана и дувана пластика.
Овозможуваме тестирање на алатите за бризгана пластика, кај нашите партнери.
Соработуваме со врвни компании од областа на пластиката, кои произведуваат бризгани, екструдирани и дувани делови. По барање на клиентот и спецификацијата на апликацијата, претставуваме неколку компании кои се специјализирани за соодветната апликација.
На полето на изработка на дизни, шнеки и млазници, застапуваме врвни европски производители, кои имаат решение за сите типови на машини за изработка на пластика. Дополнително нудиме поддршка на полето на избор на сушари, транспортери, резервоари за материјал (гранулат), уреди за регулирање на температура на алат, регулирање на топли дизни, индустриски чилери, транспортни траки и сл.
Нудиме најквалитетни производи од типот на овални, округли, четвртасти канти со рачка (метална/пластична), различни димензии и дебелини на најлонски ќеси, стреч фолија, останати производи од пластика за широка примена.
3D печатење или адитивна технологија за производство е начин за изработка на предмети директно од дигитална датотека.Традиционалното производство се потпира на технологии кои изработуваат предмети директно од поголеми блокови, слоеви материјал или скапи калапи/алати.За разлика од тоа, 3D печатењето е процес на изработка на предмети слој по слој.
3D печатењето опфаќа различни методи и технологии како што се екструдирање на пластика, инјектирање на полимери, ласерско синтерирање. Некои технологии се користат за специфични намени како што се дизајн на накит или моделирање на забни протези. Повеќето технологии се користат во индустријата за изработка на модели, функционални прототипови, производство на алати и готови функционални делови.
Во примена во производството, 3D принтерите обезбедуваат голем капацитет на печатење, врвна прецизност и димензионална постојаност на материјалите. За визуелни апликации како што се дизајн на производи, уметност и специјални ефекти, погодни се 3D принтери кои имаат можност за печатење на повеќе бои и материјали истовремено за импресивно реален отисок на моделите.
Основачот на Stratasys, Скот Крамп, ја патентирал FDM технологијата пред повеќе од 20 години, а Stratasys од тогаш продолжил да води револуција во 3D печатењето. FDM гради концептуални модели, функционални прототипови и делови за конечна употреба од различни типови термопластики, од стандардни до пластики со високи перформанси. Ова е единствената професионална технологија за 3D печатење која користи термопластики индустриски квалитет, а деловите се стабилни во механички, термички и хемиски својства.
3D принтерите кои користат FDM технологија ги градат моделите слој по слој од основата кон врвот, загревајќи и истискувајќи термопластични влакна.Процесот е едноставен:
Софтверска изработка на припремни сегменти и позициите од 3D CAD датотека и пресметување на патеката за истиснување термопластика и евентуално потребниот потпорен материјал.
3D принтерот ја загрева термопластиката до полутечна состојба и ја таложи во ултра-фини слоеви долж патеката на екструдерот. На местата каде што е потребна поддршка, 3D принтерот поставува материјал кој дејствува како скела и лесно се отстранува по завршувањето на процесот.
Корисникот го отстранува потпорниот материјал, го отстранува механички или со раствор, и делот е подготвен за употреба.
FDM технологијата користи истата испробана и проверена термопластика која се наоѓа и во традиционалните производствени процеси. За апликации кои бараат многу мали толеранции, цврстина и стабилност или специјални својства како што се биокомпатибилност и отпорност на температура – за тоа постои соодветна FDM термопластика.
PolyJet технологијата е метод на адитивно производство кој создава гладки, прецизни прототипови, делови и алати. Со резолуција на слој од 16 микрони и прецизност од 0,1 мм, може да произведе тенки ѕидови и сложени геометрии користејќи најширок спектар на материјали..
PolyJet 3D печатењето е слично на инкџет принтер, но наместо распрскување капки боја на хартија, PolyJet 3D принтерите на подлогата нанесуваат слоеви течен фотополимер. Процесот е едноставен:
Софтверот од 3D CAD датотека ја подготвува и автоматски пресметува нанесувањето на фотополимерот и потпорниот материјал.
3D принтерот прска и истовремено со UV-светло ја фиксира капката течен фотополимер. Фините слоеви се акумулираат на површината за изградба и создаваат прецизен 3D модел. На местата каде што се потребни удлабенки или сложени форми кои бараат поддршка, 3D принтерот нанесува потпорен материјал во форма на гел кој лесно се отстранува.
Корисникот лесно го отстранува потпорниот материјал рачно или со вода. Моделите и деловите се подготвени за работа и користење директно од 3D принтерот без потреба од дополнителна обработка.
PolyJet технологијата за 3D печатење нуди многу предности за брза изработка на прототипови, алати па дури и производствени делови, вклучувајќи неверојатно фини детали, гладки површини, брзина и прецизност.
Најнапредниот систем на Stratasys користи повеќе различни материјали истовремено, така што можете да вградувате различни својства – па дури и бои – во вашите 3D модели.
Со J850 Prime, можете да комбинирате цврсти материјали и флексибилен Agilus30™ материјал за да симулирате различни „Shore A“ тврдиности; да мешате бои од Vero™ групата (цијан, магента, жолта) за да добиете различни нијанси; а дури и да користите флексибилни материјали во боја за да создадете живописни, флексибилни прототипови кои изгледаат сосема како готови производи. Креирајте ергономски алати и помошни средства за фиксирање кои комбинираат цврсти материјали со гумени, несклизгави површини и прецизни детали како навои.
Со стотици комбинации на дигитални материјали и бои кои можете да ги изберете, PolyJet технологијата ви овозможува подобра естетика на прототиповите и готовите производи отколку било која друга технологија за 3D печатење.
Стереолитографија (SLA) е еден од изворните процеси на 3D печатење кој се користи и денес поради својата точност и брзина. Во индустриското производство, SLA најчесто се користи за изработка на прототипови големи димензии, тестирање форми и функционалности, како и за изработка на калупи за разни технологии на леене. Покрај тоа, може да се користи за производство на ситни, тенкостени делови со голема брзина и точност.
Процесот на изработка со Стереолитографија овозможува голема слобода за корисникот при избор на градежни параметри. Со неколку пробни примероци, можете да го оптимизирате производствениот процес според вашите потреби.Процесот е едноставен:
: Софтверот за подготовка на 3D печатење автоматски ги избира поставките, кои потоа можат да се прилагодат. Во овој чекор се дефинира патеката, силата и брзината на ласерскиот зрак.
Во овој чекор, уредот го полимеризира материјалот со ласерски зрак, слој по слој. Во секој градежен слој, ласерот истовремено полимеризира моделот и потпорните структури. По завршувањето на обработката, се подигнува платформата за да се олесни отстранувањето на готовиот 3D печатен модел.
Корисникот може рачно или со соодветен алат да ги отстрани потпорните структури, и рачно или со машина да ја изглади контактната површина на моделот што е била во контакт со потпорниот материјал.
SLA технологијата за адитивно производство е сигурен, брз и прецизен процес за изработка на модели. Благодарение на машините со робусна конструкција, SLA технологијата за 3D печатење може да изработи модели тежки до 120 килограми во еден печат. Покрај директното производство, посебни смоли можат да се користат за разни технологии на леене како почетен чекор, бидејќи одредени материјали имаат остаток на пепел од само 0.001%.
Компанијата Stratasys има долгогодишно искуство во индустриското производство и ги разбира проблемите што индустријата ги поставува. Оваа технологија е тестирана во многу производствени погони и се покажала како незаменлива во директното производство или како помошен алат во многу ситуации.
Со можноста за фино прилагодување на поставките на градење на моделот, можете да го оптимизирате производствениот процес, како што би направиле и со сите други алатни машини. Од изборот на висината на слојот, па до изборот на материјал, машините со SLA технологија обезбедуваат брзо и сигурно производство без непотребни трошоци.
SAF технологијата е базирана на основните идеи на 3D печатење со топење полимерен прав, но носи широк спектар на подобрувања.SAF технологијата се карактеризира со три клучни карактеристики: термичка стабилност и униформност низ целиот обем на градење, помала термичка оптеретеност на не-синтерираниот полимерен прав и можност за користење течности за апсорпција на зрачење кои не се базирани на вода. Одржувањето на машината е многу едноставно, бидејќи главите не се потрошни, туку трајни делови. Дополнително, за нивно чистење не се користат физички бријачи, така што се намалува трошокот на експлоатација на машините.
Сето ова обезбедува многу висока густина на пополнување на волуменот и врвна контрола на внесот на топлина. Резултатот се машини со голема брзина и економичност, кои произведуваат делови со извонредна димензионална стабилност. Ова ги прави машините на SAF технологија оптимален избор за производство на мали и средни серии производи за конечна уградба и користење.
: Внесуваме CAD датотеки во софтвер за подготовка на 3D печатење. Напредните софтверски алатки потоа автоматски ги организираат производствените обеми за идеално искористување на капацитетот на уредот. Се дефинираат поставките за печатење и податоците се испраќаат на 3D принтерот.
Уредот во еден премин со два носачи нанесува полимерен прав, потоа HAF апсорпциона течност и веднаш го озрачува со инфрацрвено зрачење. Овој систем ја покрива целата површина на работниот обем, што овозможува голема брзина при печатење на секој слој. По завршувањето на печатењето, изработените делови остануваат заробени во правот.
По процесот на ладење, го отстрануваме правот со усиснувач и го враќаме неискористениот прав во оптек. Ова осигурува економична потрошувачка на материјалите. Кога деловите ќе бидат извадени од правот, тие се подготвени за употреба. Заедно со овој уред може да се набави и систем за завршна обработка, кој вклучува сите потребни алатки, па дури и систем за бојадисување со силни, живописни бои.
P3 технологијата е логичен наследник на широката палета на машини кои полимеризираат смола во отворен резервоар. По SLA, DLP, LCD и многу слични технологии, P3 носи напредок во контролата на целиот процес. Пневматската контрола на FEP филмот, повеќе од 25 сензори за надворешни и внатрешни услови, врвни извори на UV светло и одлична контрола на сите параметри со интуитивен софтвер значат дека оваа машина ги надминува ограничувањата на традиционалните фотополимерни технологии.
Внесуваме CAD датотеки во софтвер за подготовка на 3D печатење. Напредните софтверски алатки потоа автоматски го организираат производствениот обем за идеално искористување на капацитетот на уредот и ги поставуваат оптималните параметри за производство за избраниот материјал. Се дефинираат поставките за печатење и податоците се испраќаат на 3D принтерот.
Уредот користи UV светло и широк спектар на сензори за да полимеризира целосен пресек на објектот одеднаш, со врвна точност, прецизност и повторливост. На основа на детални мерења, се постигнува оптимална брзина на изработка, неколку пати поголема од конкурентните уреди. По завршувањето се добива изработка која бара значително помалку завршна обработка во споредба со постарите технологии.
: По изработката, постојат неколку дополнителни чекори. Прво го измиваме објектот со изопропил алкохол за да го отстраниме вишокот на смола. Потоа рачно ги отстрануваме потпорните структури, ако биле потребни, и го завршуваме процесот на постобработка со кратка дополимеризација во UV печка. Во пакетот со уредот се нудат сите дополнителни алатки потребни за квалитетна завршна обработка.
Нова генерација на дизајн и инженерство. nTopology е програм за моделирање развиен за дигитално производство
Што претставува nTopology?
Најбрзиот пат од скенирање до CAD модел.
Што нудиме:
Запознајте се со новата верзија на софтвер за адитивно производство – GrabCAD Print Pro.
Премиум верзијата на GrabCAD Print™, GrabCAD Print Pro™ поддржува производство на делови за крајна употреба или прототипови кои се користат во услови на контролирани процеси. Тоа вклучува подобрени моделикако што се: сентар за точност, предлози за производство, апликациски додатоци за трети страни и проценка на трошоците по парче за збирно производство.*Достапен за FDM™ i SAF™ 3D принтери.
KeyShot е развиен како би се олесниле 3D рендери и анимации. Овозможува лесно избирање на материјали и осветлување на најпрецизни решенија. Едноставен и интуитивен интерфејс, овозможува во целост да ги искористите предностите кои овој програм го овозможува.
ZW3D е програмски пакет за CAD конструирање на едноставни и сложени делови и склопови. Ги поседува сите предности на модерните CAD програми и повеќе, како би го замениле лесно програмот кој го користите во моментот.
ZW3D може:
Доколку имате некакви прашања или сакате да добиете понуда, не двоумете се и контактирајте не
Перо Наков 1 (Жас Уз), 1000 Скопје, Македонија
