Nebla-KT

ЗА НАС

Друштвото за трговија и услуги НЕБЛА КТ ДОО Скопје e основано во 2022 година, како плод на долгогодишното искуство и ангажман на оснивачите. НЕБЛА КТ, претставува неконвенционално решение за сите оние кои сакаат да ги следат модерните трендови и текови во рамки на секторот пластика, од изработка на алати, производство на пластика до целосно поставување на производство.

Следејќи ги модерните трендови, претставуваме лидери на пазарот за 3D CAD / CAM / CAE / Print, во соработка со нашите партнери.

Исто нудиме производи од пластика, различни типови на канти, најлонски ќеси во различни димензии, стреч фолија како и производи по ваш избор. Како би ја надополниле целосната поддршка, во соработка со нашите партнери нудиме дизни, млазници, шнеки и цилиндри за различни типови на машини за изработка на пластика, дополнителна опрема за машини за пластика, како и сервисни решенија.

Како би го заокружиле целокупниот процес, нудиме можност за избор и испорака на различни типови на гранулати (полиолефини, техничка пластика).

Она што го нудиме е целосна поддршка за секој индивидуален проект. Располагаме со врвни професионалци од областа на пластиката и алатничарството.

ТЕХНОЛОГИИ

FDM технологија

Polyjet технологија

Стереолитографија

SAF технологија

P3 технологија

3D печатење

3D печатење или адитивна технологија за производство е начин за изработка на предмети директно од дигитална датотека.Традиционалното производство се потпира на технологии кои изработуваат предмети директно од поголеми блокови, слоеви материјал или скапи калапи/алати.За разлика од тоа, 3D печатењето е процес на изработка на предмети слој по слој.

Примена на 3D печатење

3D печатењето опфаќа различни методи и технологии како што се екструдирање на пластика, инјектирање на полимери, ласерско синтерирање. Некои технологии се користат за специфични намени како што се дизајн на накит или моделирање на забни протези. Повеќето технологии се користат во индустријата за изработка на модели, функционални прототипови, производство на алати и готови функционални делови.

Во примена во производството, 3D принтерите обезбедуваат голем капацитет на печатење, врвна прецизност и димензионална постојаност на материјалите. За визуелни апликации како што се дизајн на производи, уметност и специјални ефекти, погодни се 3D принтери кои имаат можност за печатење на повеќе бои и материјали истовремено за импресивно реален отисок на моделите.

+389 71 305 397

FDM технологија за 3D печатење

Основачот на Stratasys, Скот Крамп, ја патентирал FDM технологијата пред повеќе од 20 години, а Stratasys од тогаш продолжил да води револуција во 3D печатењето. FDM гради концептуални модели, функционални прототипови и делови за конечна употреба од различни типови термопластики, од стандардни до пластики со високи перформанси. Ова е единствената професионална технологија за 3D печатење која користи термопластики индустриски квалитет, а деловите се стабилни во механички, термички и хемиски својства.

Принцип на изработка на модели со FDM технологија

3D принтерите кои користат FDM технологија ги градат моделите слој по слој од основата кон врвот, загревајќи и истискувајќи термопластични влакна.Процесот е едноставен:

Пред-продукција:

Софтверска изработка на припремни сегменти и позициите од 3D CAD датотека и пресметување на патеката за истиснување термопластика и евентуално потребниот потпорен материјал.

Продукција:

3D принтерот ја загрева термопластиката до полутечна состојба и ја таложи во ултра-фини слоеви долж патеката на екструдерот. На местата каде што е потребна поддршка, 3D принтерот поставува материјал кој дејствува како скела и лесно се отстранува по завршувањето на процесот.

Пост-продукција:

Корисникот го отстранува потпорниот материјал, го отстранува механички или со раствор, и делот е подготвен за употреба.

Предности на FDM технологијата

Технологијата е чиста, едноставна за употреба и дури и во канцеларија
Термопластиката што се користи е индустриски квалитет, механички и еколошки стабилна
Комплексни геометрии и шуплини кои инаку би биле проблематични не претставуваат проблем за FDM технологијата

FDM Термопластика

FDM технологијата користи истата испробана и проверена термопластика која се наоѓа и во традиционалните производствени процеси. За апликации кои бараат многу мали толеранции, цврстина и стабилност или специјални својства како што се биокомпатибилност и отпорност на температура – за тоа постои соодветна FDM термопластика.

PolyJet технологија за 3D печатење

PolyJet технологијата е метод на адитивно производство кој создава глатки, прецизни прототипови, делови и алати. Со резолуција на слој од 16 микрони и прецизност од 0,1 мм, може да произведе тенки ѕидови и сложени геометрии користејќи најширок спектар на материјали..

Принцип на изработка на модели со PolyJet технологија

PolyJet 3D печатењето е слично на инкџет принтер, но наместо распрскување капки боја на хартија, PolyJet 3D принтерите на подлогата нанесуваат слоеви течен фотополимер. Процесот е едноставен:

Пред-продукција:

Софтверот од 3D CAD датотека ја подготвува и автоматски пресметува нанесувањето на фотополимерот и потпорниот материјал.

Продукција:

3D принтерот прска и истовремено со UV-светло ја фиксира капката течен фотополимер. Фините слоеви се акумулираат на површината за изградба и создаваат прецизен 3D модел. На местата каде што се потребни удлабенки или сложени форми кои бараат поддршка, 3D принтерот нанесува потпорен материјал во форма на гел кој лесно се отстранува.

Отстранување на потпорниот материјал:

Корисникот лесно го отстранува потпорниот материјал рачно или со вода. Моделите и деловите се подготвени за работа и користење директно од 3D принтерот без потреба од дополнителна обработка.

Предности на PolyJet технологијата

PolyJet технологијата за 3D печатење нуди многу предности за брза изработка на прототипови, алати па дури и производствени делови, вклучувајќи неверојатно фини детали, глатки површини, брзина и прецизност.

Креирајте глатки, детализирани прототипови кои пружаат естетика на готови производи.
Произведете краткорочни производствени алати и помошни средства за фиксирање
Направете сложени форми, комплексни детали и глатки површини.
Вклучете бои и разновидни својства на материјалите во еден модел со најголема разновидност на материјали

3D печатење во боја и со различни материјали

Најнапредниот систем на Stratasys користи повеќе различни материјали истовремено, така што можете да вградувате различни својства – па дури и бои – во вашите 3D модели.

Со J850 Prime, можете да комбинирате цврсти материјали и флексибилен Agilus30™ материјал за да симулирате различни „Shore A“ тврдост; да мешате бои од Vero™ групата (цијан, магента, жолта) за да добиете различни нијанси; а дури и да користите флексибилни материјали во боја за да создадете живописни, флексибилни прототипови кои изгледаат сосема како готови производи. Креирајте ергономски алати и помошни средства за фиксирање кои комбинираат цврсти материјали со гумени, рапави површини и прецизни детали како навои.

Со стотици комбинации на дигитални материјали и бои кои можете да ги изберете, PolyJet технологијата ви овозможува подобра естетика на прототиповите и готовите производи отколку било која друга технологија за 3D печатење.

Стереолитографија – технологија за 3D печатење

Стереолитографија (SLA) е еден од изворните процеси на 3D печатење кој се користи и денес поради својата точност и брзина. Во индустриското производство, SLA најчесто се користи за изработка на прототипови големи димензии, тестирање форми и функционалности, како и за изработка на калапи за разни технологии на леење. Покрај тоа, може да се користи за производство на ситни, тенкозидниделови со голема брзина и точност

Принцип на изработка на модели со технологијата на Стереолитографија

Процесот на изработка со Стереолитографија овозможува голема слобода за корисникот при избор на градежни параметри. Со неколку пробни примероци, можете да го оптимизирате производствениот процес според вашите потреби.Процесот е едноставен:

Пред-продукција:

Софтверот за подготовка на 3D печатење автоматски ги избира поставките, кои потоа можат да се прилагодат. Во овој чекор се дефинира патеката, силата и брзината на ласерскиот зрак.

Продукција:

Во овој чекор, уредот го полимеризира материјалот со ласерски зрак, слој по слој. Во секој градежен слој, ласерот истовремено полимеризира моделот и потпорните структури. По завршувањето на обработката, се подигнува платформата за да се олесни отстранувањето на готовиот 3D печатен модел.

Отстранување на потпорниот материјал:

Отстранување на потпорниот материјал: Корисникот може рачно или со соодветен алат да ги отстрани потпорните структури, и рачно или со машина да ја изглади контактната површина на моделот што билаво контакт со потпорниот материјал.

Предности на Стереолитографија (SLA)

SLA технологијата за адитивно производство е сигурен, брз и прецизен процес за изработка на модели. Благодарение на машините со робусна конструкција, SLA технологијата за 3D печатење може да изработи модели тешки до 120 килограми во еден печат. Покрај директното производство, посебни смоли можат да се користат за разни технологии на леење како почетен чекор, бидејќи одредени материјали имаат остаток на пепел од само 0.001%.

Создавајте производи со фина завршна обработка директно од уредот, без потреба од дополнителна обработка
Широк спектар на материјали од различни производители овозможува избор на прозирни, флексибилни или механички цврсти материјали
Ослободете се од класичните ограничувања при производство на леарски структури со комплексни геометрии, искористете ги предностите што ги овозможува адитивното производство
Значително намалете го времето и трошоците за вас и вашите клиенти при мали и средни серии

3D печатење на индустриски начин

Компанијата Stratasys има долгогодишно искуство во индустриското производство и ги разбира проблемите што индустријата ги поставува. Оваа технологија е тестирана во многу производствени погони и се покажала како незаменлива во директното производство или како помошен алат во многу ситуации.

Со можноста за фино прилагодување на поставките на градење на моделот, можете да го оптимизирате производствениот процес, како што би направиле и со сите други алатни машини. Од изборот на висината на слојот, па до изборот на материјал, машините со SLA технологија обезбедуваат брзо и сигурно производство без непотребни трошоци.

SAF – технологија за 3D печатење

SAF технологијата е базирана на основните идеи на 3D печатење со топење полимерен прав, но носи широк спектар на подобрувања.SAF технологијата се карактеризира со три клучни карактеристики: термичка стабилност и униформност низ целиот обем на градење, помала термичка оптеретеност на не-синтерираниот полимерен прав и можност за користење течности за апсорпција на зрачење кои не се базирани на вода. Одржувањето на машината е многу едноставно, бидејќи главите не се потрошни, туку трајни делови. Дополнително, за нивно чистење не се користат физички бријачи, така што се намалува трошокот на експлоатација на машините.

Сето ова обезбедува многу висока густина на пополнување на волуменот и врвна контрола на внесот на топлина. Резултатот се машини со голема брзина и економичност, кои произведуваат делови со извонредна димензионална стабилност. Ова ги прави машините на SAF технологија оптимален избор за производство на мали и средни серии производи за конечна уградба и користење.

Принцип на изработка на модели со SAF технологијата:

Подготовка:

Внесуваме CAD датотеки во софтвер за подготовка на 3D печатење. Напредните софтверски алатки потоа автоматски ги организираат производствените обеми за идеално искористување на капацитетот на уредот. Се дефинираат поставките за печатење и податоците се испраќаат на 3D принтерот.

Градење:

Уредот во еден премин со два носачи нанесува полимерен прав, потоа HAF апсорпциона течност и веднаш го озрачува со инфрацрвено зрачење. Овој систем ја покрива целата површина на работниот обем, што овозможува голема брзина при печатење на секој слој. По завршувањето на печатењето, изработените делови остануваат заробени во правот.

Доработка на изработките:

По процесот на ладење, го отстрануваме правот со усисувач и го враќаме неискористениот прав во оптек. Ова осигурува економична потрошувачка на материјалите. Кога деловите ќе бидат извадени од правот, тие се подготвени за употреба. Заедно со овој уред може да се набави и систем за завршна обработка, кој вклучува сите потребни алатки, па дури и систем за бојадисување со силни, живописни бои.

P3 – технологија за 3D печатење

P3 технологијата е логичен наследник на широката палета на машини кои полимеризираат смола во отворен резервоар. По SLA, DLP, LCD и многу слични технологии, P3 носи напредок во контролата на целиот процес. Пневматската контрола на FEP филмот, повеќе од 25 сензори за надворешни и внатрешни услови, врвни извори на UV светло и одлична контрола на сите параметри со интуитивен софтвер значат дека оваа машина ги надминува ограничувањата на традиционалните фотополимерни технологии.

Принцип на изработка на модели со P3 технологијата:

Подготовка:

Внесуваме CAD датотеки во софтвер за подготовка на 3D печатење. Напредните софтверски алатки потоа автоматски го организираат производствениот обем за идеално искористување на капацитетот на уредот и ги поставуваат оптималните параметри за производство за избраниот материјал. Се дефинираат поставките за печатење и податоците се испраќаат на 3D принтерот.

Градење:

Уредот користи UV светло и широк спектар на сензори за да полимеризира целосен пресек на објектот одеднаш, со врвна точност, прецизност и повторливост. На основа на детални мерења, се постигнува оптимална брзина на изработка, неколку пати поголема од конкурентните уреди. По завршувањето се добива изработка која бара значително помалку завршна обработка во споредба со постарите технологии.

Доработка на изработките:

По изработката, постојат неколку дополнителни чекори. Прво го перемеобјектот со изопропил алкохол за да го отстраниме вишокот на смола. Потоа рачно ги отстрануваме потпорните структури, ако биле потребни, и го завршуваме процесот на постобработка со кратка дополимеризација во UV печка. Во пакетот со уредот се нудат сите дополнителни алатки потребни за квалитетна завршна обработка.

Предности на P3 технологијата:

Благодарение на напредни сензори и актуатори, како и на современи материјали, овој уред има значително поширок спектар на примена од технологиите SLA, DLP и LCD. Со површина како кај пластика добиена со вбризгување и механички својства што ги задоволуваат сите апликации, објектите произведени со P3 технологија се подготвени за употреба веднаш.

Производи

3D Принтери Stratasys

Целосно е различно да имате идеја во вашата глава и да ја држите во раката или да ја ставите во раце на вашите соработници.

3D принтерите го забрзуваат вашето размислување. Забрзувајте го вашето движење. Намалете ги трошоците.

Од поединечни дизајнери, преку соработка во процесот на развој, до самото производство, Stratasys има во понуда 3D принтер кој може да ги задоволи вашите барања. Небла КТ во својата понуда има професионални уреди за 3D печатење кои се протегаат од категоријата која служи за брза изработка на прототипови –Rapid Prototyping, па до категоријата за директна дигитална производство од 3D модел – Direct Digital Manufacturing или Additive Manufacturing.

Со своето долгогодишно искуство во областа на примената на технологиите за 3D печатење во процесите на развој и производство, на нашите партнери и клиенти им обезбедуваме врвен ниво на услуга и пренос на знаење, што на крај резултира со брза и ефикасна имплементација на технологиите и намалување на поврзаните трошоци.

Сите примени

Дизајн

Инженерство

Медицина и стоматологија

Производство

3D Принтери UltiMaker

Во UltiMaker веруваат дека секој може да биде иноватор. Како глобален лидер во класата на стони 3D принтери, UltiMaker постави стандарди за доверливост и едноставност во управувањето со процесот на 3D печатење, обезбедувајќи ефективни решенија за сите фази на изработка на моделите.

СОФТВЕР

nTopology

Нова генерација на дизајн и инженерство. nTopology е програм за моделирање развиен за дигитално производство

Што претставува nTopology?

Подобра метода за моделирање
Побрзи итерации
Интеграција во Вашиот процес
Достапно, лесно за разменување и повторно употребливо

Geomatic Design X

Најбрзиот пат од скенирање до CAD модел.

Што нудиме:

Врвна компатибилност
Корисни и употребливи податоци
Едноставен за учење (10x побрзо до CAD модел; 7 формати за експорт во CADч 14500+ корисници)

GrabCAD Print

Запознајте се со новата верзија на софтвер за адитивно производство – GrabCAD Print Pro.

Премиум верзијата на GrabCAD Print™, GrabCAD Print Pro™ поддржува производство на делови за крајна употреба или прототипови кои се користат во услови на контролирани процеси. Тоа вклучува подобрени моделикако што се: сентар за точност, предлози за производство, апликациски додатоци за трети страни и проценка на трошоците по парче за збирно производство.
*Достапен за FDM™ i SAF™ 3D принтери.

Што го прави KeyShot различен?

KeyShot е развиен како би се олесниле 3D рендери и анимации. Овозможува лесно избирање на материјали и осветлување на најпрецизни решенија. Едноставен и интуитивен интерфејс, овозможува во целост да ги искористите предностите кои овој програм го овозможува.

Дознајте што Ви овозможува KeyShot?

Насочете се на она што сакате да го изработите
Прикажете ги Вашите идеи веднаш
Пореални од стварноста
Искористете го секој атом
Осветлете правилно
Рендер во реално време
Оставете ги сите без здив

Можности:

CPU или GPU рендери
Прочистување на шум
Прецизно точен
Глобално осветлување
Фокусирана каустика
HDRI осветлување
Професионален избор на бои
И мн други придобивки...

ZW3D

ZW3D е програмски пакет за CAD конструирање на едноставни и сложени делови и склопови. Ги поседува сите предности на модерните CAD програми и повеќе, како би го замениле лесно програмот кој го користите во моментот.

ZW3D може:

Да ствара скици и тела, склопови, под-склопови, технички нацрти и останати основни елементи на современите CAD алатки
Брзо скицирање на комплексни склопови или прецизно дизајнирање на сложени машини
Да генерира алати за бризгање на пластика со неколку кликови
Да ја “отвори“ формата на завитканиот лим
Да генерира движења на алатите за 5-осна машинска обработка

Услуги и производи

3D печатење / Адитивно производство

Нашата услуга на 3D принтање и брза изработка на прототипови се базира на процена на Вашите потреби. На основа на CAD геометријата и намената на Вашиот модел, ќе Ви предложиме оптимална ТЕХНОЛОГИЈА за брза изработка на Вашиот прототип (3D принтање).

Што е Rapid Prototyping?

"Терминот “rapid prototyping” или брза изработка на протитипови претставува технологија со која е можно, директно од дигитална презентација на некој објект или модел направен во CAD-u (Computer Aided Design) да се создаде негова физичка репрезентација: пред се функционален и комплексен прототип.Rapid Prototyping технологијата “grade” моделот се разликува од CAM технологијата, која се добива со “отфрлање“ на материјал. "

Брзото прототипирање вклучува неколку различни методи за изработка на модели, и тука ги истакнуваме некои од технологиите што се користат од различни 3D печатачи денес:

Stereolitography Apparatus (SLA)

PolyJet i PolyJet Matrix (OBJET)

Selective Laser Sintering (SLS)

Fused Deposition Modeling (FDM)

3D Printing (3DP)

Laminated Object Manufacturing (LOM)

Посредување при изработка на алати за пластика и гума / Посредување при избор на производител на пластични делови

Соработуваме со врвни алатници, специјализирани за изработка на алати за пластика, со можност и капацитет за изработка на алати за бризгана и дувана пластика.

Овозможуваме тестирање на алатите за бризгана пластика, кај нашите партнери.

Соработуваме со врвни компании од областа на пластиката, кои произведуваат бризгани, екструдирани и дувани делови. По барање на клиентот и спецификацијата на апликацијата, претставуваме неколку компании кои се специјализирани за соодветната апликација.

Алатни челици, стандардни куќишта / елементи

НУДИМЕ стандардни и специјални плочи (врз основа на барањето на клиентите) за изработка на алати/калапи за пластика, штанци и други алати од различни типови на материјали. Нашите можности вклучуваат: калени челици, обработка на машини со 4 оски. Материјалите се предмет на комплетно контролиран процес. Нудиме решенија за:

- алати (пластика)
- штанци
- специјална обработка

Ваш доверлив партнер за ВИСТИНСКИ ЧЕЛИК!Материјали 1.2343, 1.2344 (исто ESR/ESU) и 1.2379 сега на располагање за итна испорака. Сертифицирани челици со Западноевропско потекло, во “мека“ состојба за понатамошно калење.Исто нудиме иноксни челици 1.2085, 1.2083, како и закалени: 1.2738HH, 1.2714HH.Други алатни челици: 1.0570, 1.1730, 1.2312, 1.2311, 1.2162, 1.2842, 1.2714, 1.2738, 1.2767, TOOLOX33, како и алуминиумски легури7075, 7022 кои чекаат на Вас!

Дизни, шнеки, млазници, дополнителна опрема

На полето на изработка на дизни, шнеки и млазници, застапуваме врвни европски производители, кои имаат решение за сите типови на машини за изработка на пластика. Дополнително нудиме поддршка на полето на избор на сушари, транспортери, резервоари за материјал (гранулат), уреди за регулирање на температура на алат, регулирање на топли дизни, индустриски чилери, транспортни траки и сл.

Пластични канти, најлонски ќеси, стреч фолија

Нудиме најквалитетни производи од типот на овални, округли, четвртасти канти со рачка (метална/пластична), различни димензии и дебелини на најлонски ќеси, стреч фолија, останати производи од пластика за широка примена.

Гранулати

Во нашата понуда исто нудиме широк асортиман на полимерни материјали за различни техники на преработка, од светски реномирани производители како што се: Rompetrol, Versalis, Taro Plast, MOL, Carmel Olefins, HIP Petrohemija, Sidpec, PCC Group, Ethydco, Elix, Tabriz Petrochemical i Viba .Поголемиот дел од материјалите се на располагање, во зависнот од количините. Во договор со клиентите организираме испорака на подрачјето на регионот Србија, Македонија, Албанија и Косово.